გორის ,,დილას" დაჯილდოების ცერემონია დღეს გაიმართება. როგორც "ინტერპრესნიუსს" გორის მუნიციპალიტეტიდან აცნობეს, ღონისძიებას თენგიზ ბურჯანაძის სახელობის გორის ცენტრალური სტადიონი უმასპინძლებს, სადაც საქართველოს ჩემპიონატის ფინალურ მატჩში ერთმანეთს ვადამდელი ჩემპიონი გორის ,,დილა" და თბილისის ,,ვიტ ჯორჯია" შეხვდებიან. 
რაც შეეხება პროგრამას, ღონისძიების გახსნის ცერემონია დღეს, 16:40 საათზე დაიწყება, რომელზეც მოძრაობის თეატრი" დასარტყამი ინსტრუმენტების შოუს წარმოადგენს. 17:00 საათზე ,დილა"-ვიტ ჯორჯიას" ფინალური მატჩი დაიწყება; 17:50 საათზე ქალაქ გორის მუნიციპალიტეტის მერიის ანსამბლი ,,გორი" სანახაობრივ წარმოდგენას გამართავს, უშუალოდ დაჯილდოების ცერემონია კი 18:50 საათზე დაიწყება. 
ღონისძიებაზე მისალოცი სიტყვით სპორტის მინისტრი, გუბერნატორი, ქალაქის მერი, საკრებულოს თავმჯდომარე, ფეხბურთის ფედერაციის პრეზიდენტი წარსდგებიან. 
19:45 სააათზე, ადმინისტრაციული შენობის მიმდებარე ტერიტორიაზე "დილას" გამარჯვებისადმი მიძღვნილი კონცერტს ჯგუფი "ფრანი" გამართავს. 

წყარო: http://www.interpressnews.ge/